Stjórnandi aðgerðar ef til rýmingar kemur er skólameistari, umsjónarmaður öryggis- og tæknimála eða sá kennari námskeiðaskóla sem kennir í stofu næst stjórntöflu. Haldin er brunaæfing með nemendum dagskóla í upphafi hverrar annar og með kennurum á kennarafundum í upphafi annar.

Kort með upplýsingum um næstu flóttaleið hangir á áberandi stað í hverju rými. Kennarar námskeiðaskóla benda nemendum á námskeiðum á þessar upplýsingar við upphaf námskeiðs.

Þar sjást:

• tvær bestu flóttaleiðirnar
• söfnunarsvæði
• upplýsingar um hvernig á að bregðast við eldi og jarðskjálftum
• staðsetning brunavarnatækja

Rýming

1. Viðvörunarkerfi fer af stað

Kennarar:

• setja nemendur í viðbragðsstöðu,
• skoða flóttaleiðakort,
• bera nemendafjölda saman við viðverulista og kanna hvort allir séu á sínum stað,
• gefa nemendum upplýsingar um stystu leiðir og söfnunarsvæði,
• bíða átekta.

Aðrir starfsmenn skólans:

• fara yfir sitt svæði og athuga hverjir eru þar,
• bíða átekta.

Stjórnandi aðgerðar:

• fer að stjórntöflu og aðgætir boðin,
• slekkur á hljóðgjafa,
• hefur samband við vaktstöð og veitir upplýsingar um boðin.

Ef viðvörunarkerfið hljóðnar halda allir áfram að vinna en eru áfram í viðbragðsstöðu

2. Viðvörunarkerfið fer aftur af stað

Allir:

• fara hratt en skipulega út og skilja allt laust dót eftir s.s. töskur, bækur og úlpur, nema hvað kennarar taka með sér kladda eða lista yfir viðstadda nemendur,
• safnast saman á söfnunarsvæði (sbr. kort yfir flóttaleiðir) og bíða frekari fyrirmæla stjórnenda.

Kennarar og lykilstarfsmenn:

• kanna hver sinn hóp og upplýsa stjórnanda,
• láta vita ef grunur er um að einhver sé inni á hættusvæði,
• aðstoða nemendur á ýmsa lund.

3. Stjórnandi aðgerðar:

• hefur samband við neyðarlínuna 112 ef við á,
• slekkur eld ef það er öruggt til að lágmarka tjón,
• tekur á móti slökkviliði ef við á,
• aðstoðar nemendur og starfsfólk, t.d. við að finna húsaskjól,
• heimilar inngöngu þegar tryggt er að allt sé í lagi.