Námskeið barna- og unglingadeildar eru ætluð nemendum á aldrinum 4-16 ára.

Námskeið skólans fyrir almenning eru opin öllum sem náð hafa 16 ára aldri.

Forgang í nám til stúdentsprófs eiga umsækjendur sem hafa lokið a.m.k. 60 framhaldsskólaeiningum í framhaldsskólanámi, þar af 30 tilgreindum einingum.

Forgang í fornám eiga umsækjendur sem lokið hafa stúdentsprófi af annarri braut en listnámsbraut eða prófi af starfsbraut.

Forgang í viðbótarnám eiga umsækjendur með stúdentspróf af listnámsbraut eða sambærilegt nám.

Umsóknarfrestur um nám í dagskóla er auglýstur að vori og um miðja haustönn þegar teknir eru inn nýir nemendur á vorönn. Umsóknir eru rafrænar og ber að skila á tilteknum tíma. Með umsóknum þurfa að fylgja staðfestingar um fyrra nám.

Innritun á stök námskeið fer fram í gegnum skráningarforrit á heimasíðu.

Sérstakar inntökunefndir velja nýja nemendur úr hópi umsækjenda um nám í dagskóla. Ýmist eru umsækjendur látnir þreyta inntökupróf eða senda inn möppu með myndum af fyrri verkum. Umsækjendur geta jafnframt verið kallaðir í viðtal við inntökunefnd.