Myndlistaskólinn í Reykjavík er í samstarfi við ISIC samtökin, sem eru sjálfseignarstofnun sem stendur að baki stjórnun, vexti og þróun alþjóðlegs nemendaskírteinis (ISIC). Nemendur í dagskóla fá rafrænt nemendaskírteini sem gildir út skólaárið.
Skírteinið er hægt að virkja í ISIC-farsímaappinu. Við upphaf skólagöngunnar fá nemendur úthlutað skólanetfangi. Virkja þarf skólanetfangið (t.d. jon.jonsson@mir.is) til að hægt sé að virkja ISIC-nemendaskírteinið. Skólinn greiðir ISIC-nemendaskírteinið fyrir virka nemendur í dagskóla.
Alþjóðlega nemendaskírteinið (ISIC) er eina alþjóðlega viðurkennda skírteinið sem staðfestir stöðu námsmanna. Skírteinið veitir aðgang að yfir 150.000 afsláttartilboðum, fríðindum og þjónustu í meira en 130 löndum um allan heim.
ISIC-fríðindin eru vandlega valin til að mæta daglegum þörfum nemenda sem vilja njóta námsmannalífsins sem best. Skírteinið er sérstaklega gagnlegt fyrir þau sem fara í skiptinám eða starfsnám erlendis, eða ferðast mikið í frítíma sínum.
ISIC-skírteinið veitir:
- afslátt af flugi og annarskonar ferðum (t.d. lestarferðum erlendis),
- afslátt af gistingu á völdum hótelum og á síðum eins og Booking.com,
- betri kjör hjá streymisveitum eins og Spotify og YouTube Premium,
- afslátt af aðgangseyri inn á söfn, menningarviðburði og aðra afþreyingu,
- tilboð frá verslunum, veitingastöðum og kaffihúsum.
Fjölmörg önnur tilboð er að finna í ISIC-appinu, sérsniðin að þörfum og staðsetningu hvers og eins.
ISIC-nemendaskírteinið er fyrir alla nemendur 12 ára og eldri, óháð þjóðerni og nýtist um allan heim.
