Myndlistaskólann í Reykjavík býður upp á skipulag nám í dagskóla.

Hægt er að ljúka stúdentsprófi af tveggja ára listnámsbraut skólans. Það er kjörin leið fyrir skapandi einstaklinga til að búa sig undir háskólanám í myndlist eða hönnun en er einnig góður undirbúningur fyrir hverskyns annað nám.

Stúdentar sem ekki hafa lagt stund á listnám en vilja búa sig undir háskólanám í myndlist, hönnun eða arkitektúr geta tekið fornám við skólann.

Fornám fyrir nemendur með stúdentspróf er samsett úr völdum áföngum af listnámsbrautinni og tekur einn vetur.

Í fornámi fyrir nemendur sem lokið hafa starfsbraut eða sambærilegu námi, þar er lögð áhersla á að nemendur kynnist fjölbreyttum vinnuaðferðum, tækni og hugtökum sem notuð eru um myndlist og hönnun. Námið veitir engin formleg réttindi en það gefur nemendum möguleika á að skapa sér starfsvettvang á sviði listsköpunar, á eigin spýtur eða með stuðningi.

Við skólann er einnig boðið upp á tveggja ára viðbótarnám við framhaldsskóla í keramiki, málaralist, teikningu og textíl. Fjölmargir nemendur hafa farið til áframhaldandi náms við háskóla hér heima og erlendis. Margir skólar erlendis hafa metið einingar úr námi við skólann sem hluta af BA námi, jafnvel að fullu sem tveggja ára háskólanám.

• Fyrir nýnema: Til að tryggja skólavist þurfa viðkomandi að greiða staðfestingargjald fyrir ákveðinn gjalddaga. Staðfestingargjaldið bætist við skólagjöld en fæst ekki endurgreitt þótt viðkomandi hætti að þiggja skólavistina.

• Fyrir endurinnritaða nemendur: Skólinn sendir greiðslutilkynningar vegna skólagjalda fyrir upphaf hvers skólatímabils.

Inkasso annast innheimtu á kröfum fyrir hönd skólans. Hægt er að hafa samband við Inkasso í netfangið inkasso@inkasso.is eða síma 520 4040 og biðja um greiðsludreifingu. Nánari upplýsingar veitir skrifstofa skólans í gegnum tölvupóst á netfangið mir@mir.is