Það er hægt að stunda fullt nám í dagskóla við Myndlistaskólann í Reykjavík.

Hægt er að ljúka stúdentsprófi af tveggja ára listnámsbraut skólans. Það er kjörin leið fyrir skapandi einstaklinga til að búa sig undir háskólanám í myndlist eða hönnun en er ekki síður góður undirbúningur fyrir hverskyns annað nám.

Stúdentar sem ekki hafa lagt stund á listnám en vilja búa sig undir háskólanám í myndlist, hönnun eða arkitektúr geta tekið fornám. Fornámið er samsett úr völdum áföngum af listnámsbrautinni og tekur einn vetur.

Við bjóðum einnig upp á tveggja ára nám í keramiki, málaralist, teikningu og textíl. Námið getur nýst sem hluti af BA-prófi frá listaháskólum og menntastofnunum víðsvegar um heiminn.