Skólinn fær framlög frá menntamálaráðuneyti vegna kennslu á listnámsbraut til stúdentsprófs, í fornámi fyrir nemendur með stúdentspróf og starfsbraut og á viðbótarnámsbrautum. Skólinn er einkarekinn og fær ekki framlag til jafns við það sem ríkið greiðir með þeim nemendum sem sækja nám í ríkisreknum framhaldsskólum. Skólinn þarf því að innheimta skólagjöld af nemendum til viðbótar við framlagið. Stjórn skólans ákveður upphæð námsgjalda hverju sinni. Skólagjöld greiðast til skrifstofu skólans og er hægt að skipta greiðslum jafnt yfir hverja önn. Nánari upplýsingar um upphæð námsgjalda er að finna í verðskrá skólans.

Einungis þeir sem greitt hafa skólagjöld teljast nemendur við skólann. Til að tryggja sér skólavist næsta skólaár þurfa nemendur í dagskóla að greiða staðfestingargjald fyrir lok júní ár hvert. Með því að þiggja skólavist skuldbindur umsækjandi sig til að greiða skólagjöld fyrir skólaárið. Þurfi nemandi af einhverjum ástæðum að hætta í námi á miðju skólaári býður skólinn viðkomandi að hefja námið á nýjan leik síðar og skoðast þá greidd skólagjöld sem inneign.

Hægt er að nýta frístundastyrki sveitarfélaga til að niðurgreiða námskeiðsgjöld fyrir börn og unglinga á aldrinum 6-18 ára.