Kennslumat nemenda á framhaldsskólastigi

Við lok annar fá nemendur senda könnun með einföldum spurningum varðandi kennslu á önninni. Niðurstöður eru ekki birtar opinberlega. Þær eru fyrst og fremst yfirfarnar af yfirkennara/deildarstjóra sem ber þær undir skólameistara, viðkomandi kennara eða aðra ef tilefni er til. Niðurstöður eru teknar alvarlega og allar ábendingar skoðaðar og mat lagt á hvort ástæða sé til breytinga.

Könnunin er einföld, spurt er fimm krossaspurninga og hver spurning býður upp á fjögur svör.

• Var kennslan á önninni greinargóð og uppbyggileg? Svarmöguleikar: Já - Yfirleitt - Ekki alltaf - Nei
• Hvernig var skipulag áfanganna? Svarmöguleikar: Mjög gott - Nokkuð gott - Sæmilegt - Slæmt
• Voru markmið námsins skýr? Svarmöguleikar: Mjög skýr - Fremur skýr - Nokkuð óskýr - Óskýr
• Voru verkefni í samræmi við markmið áfanga? Svarmöguleikar: Já algjörlega - Að mestu leyti - Ekki að öllu leyti - Alls ekki
• Hvernig var aðbúnaður (kennslustofa, efni, verkfæri, annað)? Svarmöguleikar: Mjög góður - Góður - Ekki nógu góður - Slæmur

Í lokin er spurt þriggja opinna textaspurninga sem ekki er skylt að svara. Markmiðið er fyrst og fremst að gefa nemendum kost á að tjá sig nafnlaust ef þeim liggur eitthvað á hjarta:

• Hverjar voru veiku hliðar námsins?
• Hverjar voru sterku hliðar námsins?
• Er eitthvað sem þú vilt koma á framfæri?