Í áfallaráði Myndlistaskólans í Reykjavík sitja skólameistari, yfirkennarar og náms- og starfsráðgjafi. Hlutverk áfallaráðs er að taka stjórnina og bregðast við í kjölfar áfalls. Til áfalla telst einelti eða ofbeldi sem nemendur/starfsmenn skólans verða fyrir og langvinnir sjúkdómar, önnur alvarleg veikindi eða andlát nemanda, starfsmanns eða aðstandanda nemanda eða starfsmanns.

Viðbrögð við áfalli:

• Virðing fyrir hverjum þeim sem verður fyrir áfalli er leiðarljós ráðsins. Ákvörðun um hvort gæta skuli trúnaðar um áfall skal tekin í samráði við þann sem fyrir því verður.
• Tilkynna skal áfall til neyðarlínu í síma 112, ef við á.
• Hafa skal strax samband við skólameistara, yfirkennara eða náms- og starfsráðgjafa.
• Starfsmaður sem kemur að áfalli skráir hjá sér vitni sem voru að atburðinum og lætur skólameistara fá listann.
• Áfallaráð metur hver skuli annast stuðning við nemanda/nemendur sem tengjast áfalli, forráðamenn eða aðra þá er þurfa þykir.
• Skólameistari hefur samband við þá sem áfallið snertir.
• Áfallaráð metur hvernig upplýsingum er komið á framfæri.
• Samskipti við lögreglu og fjölmiðla eru í höndum skólastjóra.
• Starfsmenn skrifstofu fá upplýsingar og sjá um að halda boðleiðum opnum.
• Huga skal að eftirfarandi þegar við á: Utanaðkomandi áfallahjálp, samúðarkveðjum, heimsóknum, minningargrein.