Umsóknir fyrir skólaárið 2024-25
Við tökum á móti umsóknum um nám á eftirfarandi námsbrautum.
- Fornám: Eins árs nám fyrir þá sem lokið hafa stúdentsprófi og hyggja á frekara nám í listgreinum eða störf á sviði skapandi greina (Inntökuferli lokið).
- Myndlist: Árs nám fyrir einstaklinga sem lokið hafa starfsbraut framhaldsskóla eða sambærilegu námi
Einnig bjóðum við upp á tveggja ára viðbótarnám við framhaldsskóla á eftirfarandi brautum.
- Keramikbraut: Á keramikbraut er áhersla lögð á að nemandinn kynnist öllum helstu aðferðum og tækni við leirvinnu, bæði gömlum og nýjum (Inntökuferli lokið).
- Listmálarabraut: Áhersla er lögð á að nemandinn læri aðferðir og efnistök málaralistarinnar og öðlist fræðilega þekkingu á faginu.
- Teiknibraut: Áhersla er lögð á tæknilega færni, skilning á sögulegu samhengi og sjálfstæði nemandans í hugmyndavinnu og útfærslu (Inntökuferli lokið).
- Textílbraut: Nemendur læra fjölbreyttar vinnuaðferðir í textíl svo sem silkiþrykk, hand- og vélprjón, vefnað, spuna, jurtalitun, munsturgerð og útsaum.