Fornám er eins árs nám ætlað nemendum sem lokið hafa stúdentsprófi af annarri braut en hyggja á frekara nám í listgreinum eða störf á sviði skapandi greina.

Námið er samsett úr völdum verklegum áföngum af listnámsbraut.

Á fyrri önninni eru nemendur í ýmsum grunnáföngum, s.s. teikningu, form- og litafræði, ljósmyndun og myndvinnslu.

Á síðari önninni eru nemendur í ýmsum verkstæðisáföngum og undirbúningi fyrir lokaverk og útskrift.

Fornám samanstendur af 60 einingum, 30 á hvorri önn.

Nánari upplýsingar um áfanga í fornámi má finna hér.

Sjá námsgjöld fyrir skólaárið 2026-27.

Nemendur þurfa að eiga eða hafa aðgang að fartölvu til að geta stundað nám við skólann. Æskilegt er að tölvan sé með 16 GB vinnsluminni. Einnig er gott að hafa aðgang að ljósmyndavél fyrir 35 mm filmu.

Að hafa lokið stúdentsprófi í öðrum framhaldsskóla eða sambærilegu námi.

Umsækjendur skila inn þremur verkefnum sem lögð eru til grundvallar við mat á umsóknum. Smelltu á þennan tengil til að nálgast verkefnislýsinguna.

Fylgja þarf eftirfarandi skrefum við stafrænt umsóknarferli:

1) Slá inn kennitölu.

2) Skrá gilt netfang – umsóknarvefur INNU mun senda kóða til að staðfesta netfangið þitt (sendandinn er noreply@inna.is en gæta þarf þess að skilaboðin gætu endað í ruslpóstinum þínum). Sláðu inn kóðann á umsóknareyðublaðið til að halda áfram.

3) Fyrir utan grunnpersónuupplýsingar þarf að gefa upp menntun og/eða starfsreynslu.

4) Valfrjálst: Setja inn stafræna passamynd (ekki stærri en 500 kb að stærð og helst jpg eða jpeg).

5) Skrifa stutta greinargerð um áhugasvið og reynslu (50-100 orð).

6) Hlaða upp stafrænum afritum af stúdentsskírteinum eða öðrum námsvottorðum inn á þar til gerðan reit fyrir fylgiskjöl.

7) Hafa stafræn fylgiskjöl tiltæk: verkefnin þrjú sem verða lögð til grundvallar mats á umsókninni. Samanlögð hámarksskráarstærð fylgiskjala er 350 MB í jpg eða PDF.

8) Fylla út greiðslukortaupplýsingar til að greiða 15.000 kr. umsóknargjald.

SÆKJA UM

Listnámsbraut á Instagram