Námið er fyrir alla sem hafa lokið starfsbraut í framhaldsskóla eða sambærilegu námi.

• Í náminu lærum við um myndlist og hönnun.
• Við lærum allskonar leiðir sem fólk notar til að búa til myndlist. Til dæmis lærum við vinnuaðferðir og tækni sem fólk notar.
• Við lærum orð og lýsingar sem við notum til að tala um myndlist og hönnun. Við lærum líka að nota orð og hugmyndir til að búa til myndlist og hönnun.
• Við lærum listasögu og tölum um listaverk sem fólk hefur búið til. Við lærum um samtímalist og tölum um hvernig list myndlistarfólk er að gera í dag.

• Kennsla er frá morgni fram að hádegi. Námið er alla virka daga.
• Námið er tvær annir, haustönn og vorönn. Hvor önn er 15 einingar. Samtals er námið 30 framhaldskólaeiningar.

Námsgjöld skólaárið 2024-25 er 200.000 kr. eða 100.000 kr. önnin.

Ef þú vilt spyrja um námið eða fá aðstoð getur þú haft samband við

• yfirkennara Berglindi Ernu Tryggvadóttur á berglinderna@mir.is
• eða sent tölvupóst á mir@mir.is

Nánari upplýsingar um nám í myndlist má finna í námslýsingu.