For english please click here.

1. Til að nýta frístundastyrk þarf að ráðstafa styrknum samhliða skráningu á námskeið, áður en umsókn er send inn (sjá hnapp neðst á skráningarvef). Hafi frístundastyrkur verið valinn sem greiðsluleið mun hann virkjast við innritun. Þar sem Reykjavíkurborg leyfir ekki breytingar á ráðstöfun frístundastyrks eftir að innritun á námskeið hefur farið fram getur hvorki skólinn né umsækjandi gert neinar breytingar á valinni greiðsluleið eftir innritun.
2. Námskeiðsgjöld verða innheimt að fullu þótt skráður þátttakandi hætti við að sitja námskeiðið nema tilkynning þess efnis hafi borist Myndlistaskólanum með tölvupósti á netfangið mir@mir.is eigi síðar en 48 klukkustundum (tveimur sólarhringum) áður en námskeið hefst. Myndlistaskólinn áskilur sér rétt til að innheimta 10% af námskeiðsgjaldi vegna umsýslu ef nemandi hættir við þátttöku.
3. Inkasso annast innheimtu á kröfum fyrir hönd skólans. Hægt er að hafa samband við Inkasso í netfangið inkasso@inkasso.is eða síma 520 4040 og biðja um greiðsludreifingu.
4. Ef ekki næst lágmarksþátttaka og námskeið er fellt niður endurgreiðir skólinn námsgjöld að fullu.

Móttaka umsóknar er staðfest með tölvupósti. Nánari upplýsingar í gegnum tölvupóst á netfangið mir@mir.is

Reykjavíkurborg styrkir starfsemi barna- og unglingadeildar. Stuðningurinn einskorðast við börn og ungmenni með lögheimili í Reykjavík. Börn og ungmenni búsett í öðrum sveitarfélögum greiða af þeim sökum 30% hærri námskeiðsgjöld en börn búsett í Reykjavík.

Sum önnur sveitarfélög hafa niðurgreitt námskeið fyrir börn og ungt fólk. Hafa þarf samband við viðkomandi sveitarfélag.

Ef þú telur þig eiga rétt á afslætti, vinsamlegast sendu tölvupóst á mir@mir.is eftir að þú hefur skráð þig á námskeið.

Vetrarnámskeið, 6 vikur og lengur (vor og haust). ATH. Afslættir gilda ekki á styttri námskeið eða örnámskeið.

• 10% systkinaafsláttur (á einungis við á barnanámskeiðum)
• 10% afsláttur fyrir þá sem sækja tvö námskeið samtímis
• 10% afsláttur fyrir 67 ára og eldri
• 10% afsláttur fyrir öryrkja. ATH. Afslátturinn er reiknaður inn í námskeiðsgjald fyrir Myndlist: Vinnustofu
• 20% afsláttur fyrir nemendur í fullu námi við Myndlistaskólann