Hægt er að skipta námskeiðsgreiðslum í þrjá hluta fyrir eina önn og sex hluta fyrir allan veturinn.

Skólinn veitir 10% systkina- og fjölskylduafslátt og 20% til framhaldsskólanema. Afsláttur til aldraðra og öryrkja er 10%. Nemendur í Þrennu fá 30% afslátt.

Hægt er að nýta frístundastyrk ÍTR fyrir börn og ungt fólk á aldrinum 6 - 18 ára á námskeiðum skólans (sjá reglur ÍTR um frístundastyrk) / (sjá leiðbeiningar um ráðstöfun).

Einnig eru námskeið skólans styrkhæf hjá flestum fræðslusjóðum stéttarfélaga en nánari upplýsingar um slík réttindi fást hjá viðkomandi stéttarfélagi.

Reykjavíkurborg styrkir starfsemi barna- og unglingadeildar. Stuðningurinn einskorðast við börn og ungmenni með lögheimili í Reykjavík. Börn og ungmenni búsett í öðrum sveitarfélögum greiða af þeim sökum 30% hærri námskeiðsgjöld en börn búsett í Reykjavík. Sú upphæð er innheimt sérstaklega.

Sum önnur sveitarfélög hafa niðurgreitt námskeið fyrir börn og ungt fólk. Hafa þarf samband við viðkomandi sveitarfélag.

Vakin er athygli á því að skólinn getur ekki fellt niður eða endurgreitt námskeiðsgjöld eftir að námskeið er hafið.

Nánari upplýsingar um greiðsludreifingu og afslætti fást á skrifstofu skólans.