Rebekka vinnur út frá innsæi sínu og þeim efnivið sem verður fyrir valinu hverju sinni.
Form, hreyfing, tími, hlýja og áferðir spila stóran þátt í verkum hennar. Í lokaverkefninu
lagði hún upp með að dýpka þekkingu sína á vefnaði og kanna hvernig hægt er að
brjóta upp hefðbundnar aðferðir í vefnaði og vinna með þær á skapandi hátt ásamt því
að kanna hvernig hægt er að skapa þrívídd í ofið efni.
Verkið Bárur er niðurstaða rannsóknar Rebekku á því hvernig skapa má þrívíða áferð í
ofið efni sem og tilfinningu fyrir hreyfingu. Hún notaðist við þekkt bindimunstur fyrir
pokavoð með einskeftu en brýtur upp hefðina og notfærir sér bindinguna á óhefðbundin
hátt til að skapa þrívíða bogakennda áferð í efnið. Rebekka vann með íslenska ull í
uppistöðu sem er einstaklega góð í að halda formi og mótast vel. Ásamt ullinni notaði
hún plast þráð, alpakka blöndu og bómull í ívaf.
