Verkið mitt er myndasaga sem heitir “Hreindýrið og Stríðsvélin”. Þetta er saga um vináttu mjög ólíkra einstaklinga. Sagan fjallar um stríðsvélmenni sem á sér ekki lengur tilgang og ráfar nú um borgina í leit af vinnu og finnur sér þar óliklegan vin. Hún fjallar um vináttu tveggja ólíkra einstaklinga og hvernig þeir verða sterkari saman. Sagan er byggð á einni Inktober teikningu sem ég gerði í fyrra og er innblástur minn við gerð þessarar sögu.
Markmiðið með þessu lokaverkefni er að búa til myndasögu án orða og nota tæknina sem mér var kennd í gegnum tveggja ára nám.
Næsta skref mitt sem teiknari/listamaður er að gera fleiri myndasögur og draumur minn er að búa til barnabækur. Ég hef áhuga á að að sækja mér meira listnám, Listaháskóla Íslands eða nám í listaskóla erlendis.
