Í Thunder Head 2 fylgjumst við með Sky, ungri konu sem hefur verið að glíma við einmanaleika og dularfullt gat á búki sínum. Skyndilega kemur sérkennilegur köttur til bjargar og hún er dregin í undarlegar víddir. Hún þarf að berjast við ólíka óvini eins og skrímsli og vélmenni. Hvaðan kom þetta gat og hvers vegna þarf hún að halda áfram að berjast við þessi skrímsli? Hvað er hún að ganga í gegnum? Er hægt að meðhöndla þetta gat? Þetta og fleira í Thunder Head 2.
Þetta er önnur myndasagan í Thunder head-seríunni. Fyrsta sagan fjallar um kvíða, hvernig takast á við hann og þessi fjallar um sorg. Sagan er byggð á minni upplifun á sorginni eftir að missa móður mína.
Ég gerði þessa myndasögu til þess að fjalla um sorgina á öðruvísi og léttari hátt með ábendingum um hvernig hægt er að takast á við hana.
