Markmið mitt í lokaverkefninu var að nýta mér eitt af mínum helstu áhugamálum, sem er skrásetningarteikning, til þess að segja sögu á einlægan og persónulegan máta.
Myndabók um pabba varð fyrir valinu. Pabbi er parkinsonsjúklingur og mig langaði að sýna á myndrænan hátt hvernig sjúkdómurinn spilar inn í hans daglega líf.
Eftir að hafa kynnt verkefnið fyrir Parkinsonsamtökunum styrktu þau útgáfu þess og mun bókin fara í dreifingu hjá félagsmönum þeirra.
Myndirnar vann ég með blekpenna og vatnslitum.
