Ég vil geta fært mína upplifun í verkið sem skilur eftir eitthvað hjá áhorfandanum. Í núinu og njóta út frá sjón okkar, heyrn og persónulegri orku sem situr í okkur. Stefna mín þróast nær ,,new media art” í bland við aðra. Að færa eitthvað nýtt sem myndar persónulegt gildi hjá hverjum og einum.
Ég útfæri nýjar stefnur sem þróast af gömlum verkum. Ég vann í þrívíddarforriti nýja veröld sem myndaðist við að hlusta á tónlist og tengdi allt saman. Tónlistin margfaldar áhrifin sem vídeóið skilar frá sér, þú upplifir þessar bylgjur af orku sem fellur á þig. Ósnertanlegt rými sem hefur verið gert í tölvu og er ekki til, ég sýni inn í minn ímyndaða heim sem tónlistin kallar fram. Að leyfa ímyndunaraflinu að ráða ferðinni.
Leiðbeiningar fyrir upplifun á verkinu: Mikilvægt er að vera í dimmu herbergi með góðum hljómbúnaði.
Lag: Rafmorðingi Blehe, eftir Stefán Má Högnason.
