Skráð námskeiðsgjöld miðast við umsækjendur með lögheimili í Reykjavík, í samræmi við fjárveitingu Reykjavíkurborgar til Barna- og unglingadeildar. Fjárhagslegur stuðningur Reykjavíkurborgar nær eingöngu til þeirra sem hafa lögheimili í Reykjavík.

Athugið að umsækjendur með lögheimili utan Reykjavíkur greiða 30% hærra námskeiðsgjald fyrir börn og ungmenni. Álagningin er innheimt samhliða námskeiðsgjaldi við innritun.

Greiðsluskilmálar

Æskilegt er að börnin séu í þægilegum fötum sem mega óhreinkast, fremur en sparifötum.

Ætlast er til að börnin hafi með sér einhvern léttan bita / hollt nesti, en fari ekki að kaupa í kaffitímanum. Athygli er vakin á því að Myndlistaskólinn er hnetufrír og því má ekki taka með sér nesti sem inniheldur hnetur.

Það er afar mikilvægt að fjölskyldumeðlimir skilji ekki börn sín eftir ein í skólanum áður en kennsla hefst og sæki börnin um leið og kennslu lýkur. Ef börnin eru ekki fær um að fara ein á salernið þurfa aðstandendur að vera á staðnum til að aðstoða þau.

Vetrarfrí er frá og með 22. til og með 26. október (fimmtudegi til mánudags). Engin kennsla verður þessa daga.

Skólinn áskilur sér rétt til að nota myndir og myndbönd úr starfi sínu í auglýsinga- og kynningarskyni, á heimasíðu, í prentuðu markaðsefni og á samfélagsmiðlum. Berist beiðni frá nemanda eða forráðamanni um að fjarlægja efni þar sem viðkomandi kemur fram verður hún ávallt virt.

Sérstök áhersla er lögð á að andlit nemenda í barnadeild séu ekki greinanleg í auglýsingaefni nema með skýru leyfi forráðamanna.

Nánari upplýsingar

Sendið tölvupóst á mir@mir.is með fyrirspurnum í júlí þegar skrifstofan er lokuð. Svör við tölvupóstum verða ekki tímanleg. Þökkum fyrir þolinmæðina.