Í þessu undralandi mætumst við þrjár í fullkomnu frelsi.
Fræið á verkinu var löngun mín til þess að tengjast ömmu betur og þannig tengjast sjálfri mér betur. Ég studdist við hljóðupptöku af mömmu á afmælisdegi hennar þar sem hún rifjar upp minningar af ömmunni sem ég hef aldrei hitt í líkama. Ég gerði mitt besta til þess að mála inn tilfinningatengslin með vatni og þurrkuðum jurtum. Hringlaga form fylgdu mér í gegnum ferlið. Litlu málverkin sem líkjast brjóstum, frumu eða pönnukökum eru 29 talsins, ein fyrir hvert ár sem amma lifði. Von mín er að áhorfandi fái að upplifa djúpu hjarta tenginguna sem mamma tjáir í gegnum hljóð brotið og að málverkin styðji við.
Efni: Brenninetla, Hibiscus, ylliblóm, íslenskur þari, vatnslitapappír.
Hljóðverk: 3:11 min
Stærðir: 55x75 og 19x28
