Blönduð tækni
Lokaverk mitt er innblásið af lífinu og tilverunni, af okkar mannlega eðli í samspili við
samfélag.
Að rýna í mannkynssögu má sjálfan sig sjá í raunum forfeðra og mæðra. Setja sig í spor
þeirra sem áður hafa gengið sína lífsleið og á meðan skrifa sína eigin.
Hvernig samfélag býr til kröfur og kerfi að reyna að temja hið fullkomna kaós sem lífið er.
Líkt og heilög form sem náttúran fylgir og endurtaka sig aftur og aftur.
Fegurð náttúrunnar má finna í frávikum frá formi sem bjóða upp á framvindu.
Í fjölbreytileikanum má finna tækifæri á þróun lífsins.
Líkt og ögrun kerfa býður upp á endurskoðun og spurninguna, hvernig geta hlutirnir verið
betri?
Vefur lífsins tengir allt frá fæðingu alheims að okkar örstuttu viðveru þar sem hvert skref
skiptir máli,
Í dansi lífsins hvort sem það er í samhljóm eða úr takt er það fullkomið eins og það er
Fullkomið til endurskoðunnar
Tómur strigi með endalausum valmöguleikum er klipptur niður í búta
hver bútur þjónar sínum tilgangi sem partur af stærri heild
Tengd saman af rauðum þræði
þráðurinn umlykur efni og leiðir í hjartað
Bjartur samfestingurinn í bútum
ermar, búkur, skálmar belti,
sem hver er eigin heild,
Stendur á kopar þráðum tengda í spíral
upp til himins handan sviðs og tjalds
Í tengingu efnis við anda
,en veit hver sá heilvita maður að kopar er besta efnið til að miðla orku,
Koparflækjan býr í brjósti, heldur uppi útsaumuðu hjarta frá ömmu
Í hjartað leiða allir þræðir
Út úr stungið hjarta sem geymir nálarnar
Úr sumum nálum liggja þræðir
En langflestir eru títuprjónarnir sem ekki geyma þráð
Heldur eru reiðubúnir til taks ef þarf að stinga efnið niður
Halda því kyrfilega í stað
Efnis bútarnir togast í allar áttir af kopar vírum
sem jarðtengja efni við efni
Umlukinn svörtu efni tíma og rýmis
Við hlið hans er gamall myndarammi, fortíð hans dularfull ráðgáta,
eflaust hefur hann haldið á mörgum minningum
en þjónar nú þeim tilgangi að bjóða áhorfanda að líta í brotinn spegil,
Í þessari brotnu sjálfsmynd er hægt að spegla sig í hverju broti
hvert brot sýnir eigin speglun
Mismunandi sjónarhorn á sama tening
Er ein speglun röng vegna mismun sjónarhorns
Á gólfinu liggja fleiri beitt spegilbrot,
Glitrandi fjarlægar stjörnur minna á sig
gleymdar minningar sem hægt er að sækja aðeins ef þú leitar þeirra
Í svarta vef alheimsins
Líkar þér við hvað brotin segja
Hverju vilt þú halda
Hverju viltu þú sá
Hverju vilt þú sleppa takinu á
Hver dagur, hver klukkustund, hver mínúta og sekúnda býður þér í dans
Hver ákvörðun tækifæri á nýju lífi
Hver útöndun sleppir takinu á því sem var
Hver andardráttur nýtt líf
