Teikning í borgarlandslagi (Urban Sketching) er í raun listræn fréttamennska eða „sjónræn dagbókagerð“. Hugtakið vísar til þess að teikna lífið eins og það gerist í beinni útsendingu, beint á staðnum þar sem þú ert staddur – hvort sem það er í miðri stórborg, í litlu þorpi eða jafnvel inni á kaffihúsi.

Dagana 13. til 16.júlí verður haldið námskeið í Myndlistaskólanum í Reykjavík þar sem þátttakendur frá ýmsum löndum taka þátt í skrásetja Reykjavík með eigin augum út frá efnistökum skissuteikningar. Borgin verður skoðuð og tengsl hennar við náttúruna og mannlíf.

Gengið verður út frá manifestói Urban Sketching. Teiknað verður á staðnum. Við segjum sögu umhverfis okkar þar sem sannleikurinn gildir. Teiknum saman í hóp, fáum stuðning hvert af öðru og deilum teikningum með umheiminum. Æfingar munu styrkja nemendur í að ná valdi í línuteikningu, fjarvídd, myndbyggingu, skyggingu, litatónun og vatnslitun. Manneskjunni verður gerð skil með einföldum dráttum þar sem látbragð glæðir myndina lífi og frásögn.

Kennari verður Halldór Baldursson. Halldór er yfirkennari á teiknibraut skólans. Hann hefur víðtæka reynslu sem myndskreytir og skopteiknari með áherslu á samfélagsleg mál. Meðfram því hefur hann haft áráttu fyrir að halda skissubók og mun miðla af þeirri reynslu sinni.

Mynd af skissu eftir Halldór Baldursson.