Kynntar eru ýmsar aðferðir við að búa til ferilmöppu á rafrænu formi. Kennt er á tölvuforritin InDesign og Photoshop þar sem lögð er áhersla á að nemendur öðlist færni í að setja upp myndir og texta í tölvu.

Farið er í allar helstu aðferðir við myndvinnslu og uppsetningu á myndum og texta sem nýtist við möppugerð. Einnig er kennt hvernig undirbúa á rafrænt skjal til útprentunar.

Á námskeiðinu er farið yfir öll undirstöðuatriði við gerð ferilmöppu, þar á meðal hvað helst skuli hafa í huga við val á efni í ferilmöppu, hver aðalatriðin séu og hvernig þau eru dregin fram. Nemendur koma með myndir af verkum til að setja upp í möppuna. Áhersla er lögð á að nemendur nái að útbúa heildstæða og persónulega möppu sem endurspeglar styrk og listræna sýn nemandans.

Námskeiðið stendur yfir í 5 vikur, frá 26. febrúar - 26. mars. Kennt er á fimmtudögum auk eins mánudags 23. mars frá 17:45 - 21:00.