Fjallað verður um helstu strauma og stefnur í alþjóðlegri listasögu frá endurreisn til nútímalistar og íslenska listasögu frá frumherjum 20. aldar til hugmyndalistar, eða fæðingar samtímalistar. Í alþjóðlega hlutanum verður farið yfir breyttar fagurfræðilegar áherslur, breytingar í efnistökum og inntaki listamanna og ólíkar leiðir út frá trúarlegum gildum. Í íslenska hlutanum fer fyrirlesari sérstaklega yfir list í almenningsrými og rýnir í útilistaverk á Íslandi.