Á námskeiðinu er lögð áhersla á mælingar og hlutföll, stefnur og staðsetningu hluta í rýminu. Teiknuð eru náttúruform og fjölbreytt form hluta. Með fríhendisteikningu er viðfangsefnið mótað með blæbrigðaríkri skyggingu og efnisáferð. Fjallað er um myndbyggingu og margvíslega birtingu teikningarinnar í gegnum listasöguna.

Athugið að námskeiðið er framhaldsnámskeið fyrir þá sem hafa lokið Grunnþáttum teikningar eða sambærilegu grunnnámskeiði í teikningu.

Kennari: Halldór Baldursson. 6 vikna námskeið á tímabilinu 29.10.24.-03.12.24. Kennt verður á þriðjudagskvöldum kl. 17:45-21:00. Námslok miðast við 80% mætingu. Kennslan fer fram á íslensku.