Vinnustofan er ætluð nemendum með töluverða reynslu af málaralist sem geta eða vilja vinna sjálfstætt í listsköpun sinni en jafnframt eiga þess kost að leita leiðsagnar. Ekki eru lögð fyrir sérstök verkefni en kennari leiðbeinir nemendum í þeirra sjálfsprottnu viðfangsefnum. Viðvera kennara er jafnframt áætluð 50% af tímunum. Fjallað verður um tæknileg atriði s.s. liti og íblöndunarefni, grunna og fleira. Inn í kennsluna verða fléttuð dæmi og fróðleikur úr listasögunni eftir því sem við á.

Kennari: Valgarður Gunnarsson. 8 vikna vinnustofa á tímabilinu 11.10.24.-06.12.24. Vinnustofan fer fram á föstudagseftirmiðdögum kl. 12:30-16:00. ATH. Skólinn verður lokaður í vetrarleyfinu föstudaginn 25. október. Námslok miðast við 80% mætingu. Kennslan fer fram á íslensku.