Námskeiðið er hugsað fyrir þá sem hafa náð góðum tökum á leirrennslu en vilja bæta færni sína og öðlast frekari skilning á ferlinu. Kennari leggur einstaklingsmiðuð verkefni fyrir nemendur í hverjum tíma. Mælst er til þess að nemendur notist við skissubók.

Hópurinn fylgist að yfir námskeiðistímann og kynnist heildstæðu ferli, allt frá rennslu til brennslu, meðhöndlun glerunga og endurnýtingu á leir. Unnið verður með margvísleg form og formskyn nemenda þannig þjálfað. Lagt er upp úr því að nemendur fái tilfinningu fyrir leir sem efnivið og finni fyrir aukinni hæfni í leirrennslu eftir að námskeiði lýkur.

Kennari: Þuríður Ósk Smáradóttir. 8 vikna námskeið á tímabilinu 09.10.24.-27.11.24. Kennt verður á miðvikudagskvöldum kl. 17:45-21:00. Námslok miðast við 80% mætingu. Kennslan fer fram á íslensku.