Á námskeiðinu Flúr og tildur verður teikning sett í samhengi við húðflúr eða tattú. Þátttakendur munu inna af hendi ýmis konar teikniæfingar með það fyrir augum að þeir uppgötvi sérkenni í eigin teikningu og þrói þau áfram.

Hvað þarf að hafa í huga þegar teiknað er fyrir tattú? Hvers konar viðfangsefni er algengt að tattúlistafólk leiti fanga í? Þátttakendur munu koma til með að teikna fyrir tattú og yfirfæra teikninguna á leður áður en þeir síðan rekja hana með tattúnál.

ATH. Eingöngu er unnið með teikningu á blað og tattúgerð á leður, aldrei á húð!

Gagnlegt er að hafa einhvern grunn í teikningu við þátttöku á námskeiðinu.

Kennsla fer fram yfir tveggja vikna tímabil (10.-18. ágúst), tvær helgar í röð. Kennt á laugardögum og sunnudögum kl. 13:00-16:00 í fjögur skipti alls.

Námslok miðast við 80% mætingu. ATH. Kennslan fer fram á ensku.