Á þessu námskeiði er lögð áhersla á útiveru og listsköpun í samtali við nærumhverfið. Við munum skoða samfélagslistir, almannarými og náttúruvernd í gegnum mismunandi aðferðir. Ýmist verða verkefnin unnin utandyra eða innblástur og efniviður sóttur í nærumhverfið og unnið innandyra.

Nemendur munu skapa verk í gegnum margvísleg listform á borð við teikningu, skúlptúr, gjörninga, texta og veggjalist sem ýmist verða skammlíf eða langlíf eftir því sem umhverfið býður upp á.