Verklegt námskeið þar sem nemendur fá tækifæri til þess að kynnast möguleikum vefnaðar. Markmið námskeiðisins er að nemendur öðlist þá þekkingu og færni sem þarf til þess að setja upp í vefstól og vefa eftir ýmsum aðferðum.

Í upphafi námskeiðisins verður farið yfir bindifræði, hvernig á að lesa uppskriftir, fara eftir leiðbeiningum og áætla garnmagn fyrir uppistöðu í vefnað. Nemendur setja síðan sjálfir upp í vefstól, undir handleiðslu kennara, og í framhaldi af því fá þeir tækifæri til þess að spreyta sig á hinum ýmsu aðferðum sem miðillinn hefur upp á að bjóða.

Nemendum er gert að útvega sér efni sjálfir en munu hafa aðgang að vefstólnum á skrifstofutíma skólans á tímabili námskeiðsins.

Námskeiðið er 5 vikur.