Sækja um

Við tökum við umsóknum um nám á textílbraut fyrir vorönn 2023.

Umsóknarfrestur er til miðnættis sunnudaginn 11. desember.

Sæktu um hér.

Inntökuskilyrði

  • Inntökuskilyrði á textílbraut er stúdentspróf af listnámsbraut eða sambærilegt nám.
  • Umsækjendur sækja um í gegnum umsóknarvef þar sem fram kemur námsferill og tilgangur umsækjenda með náminu. Hlaða þarf upp stafrænum afritum af prófskírteinum / námsferlum á PDF eða JPG.
  • Umsækjendur þurfa einnig að skila 1) möppu á rafrænu formi sem sýnir dæmi um eigin verk og 2) hugmyndavinnu umsækjanda, s.s. myndir úr skissubókum (að minnsta kosti 10 síður, 5 opnur). Hámarksstærð skjala er 350 MB.
  • ATH. Skólinn tekur ekki við útprentuðum staðfestingum um nám, möppum eða skissubókum.

Við lokaval úr umsóknum eru eftirfarandi þættir skoðaðir

  • Sýnishorn af verkum: Fjölbreytt verk, skissur, teikningar, ljósmyndir eða verk unnin í textíl eða önnur efni. Mikilvægt er að verkin gefi mynd af listrænum hæfileikum umsækjanda.
  • Viðtal: Umsækjendur gætu verið boðaðir í viðtal sem hefur áhrif á val inn í deildina. Inntökunefnd samanstendur af deildarstjóra og kennara úr deildinni. Endanlegt val fer eftir gæðum á innsendum verkum umsækjanda og viðtali ef það á við.
  • Annað: Forsendur sem koma fram í greinargerð, námsferill og/eða starfsreynsla.

Nánari upplýsingar

Skólagjöld fyrir eina önn á námsárinu 2022-2023 eru 242.500 - kr.

Einnig þarf að greiða 12.000 kr umsóknargjald í umsóknarferli.

Nánari upplýsingar veitir textill@mir.is. Sjáðu kynningarmyndband hér!

Fyrir umsækjendur sem vilja fá námsráðgjöf er hægt að senda póst á namsrad@mir.is