Inntökuskilyrði á teiknibraut er stúdentspróf af listnámsbraut eða sambærilegt nám. Umsækjendur sækja um í gegnum umsóknarvef þar sem fram kemur námsferill og tilgangur umsækjenda með náminu. Auk þess skila umsækjendur inn skissubókum og möppu (ekki rafrænni) með sýnishornum af nýjum og nýlegum verkum á skrifstofu skólans og gætu verið kallaðir í viðtal ef inntökunefnd telur ástæðu til.

• Teikniþáttur: þ.e. teiknifærni, raunveruleg viðfangsefni s.s. módel og umhverfisteikningar og ímynduð viðfangsefni.
• Frásagnarþáttur: þ.e. frásagnamáttur teikninganna/viðfangsefna, myndskreytingar, teiknimyndasögur, animation og persónuleg túlkun eða rödd/sérstaða í úrlausnum.
• Fjölbreytni: þ.e. fjölbreytt viðfangsefni, fjölbreytni í efni og aðferðum, s.s. karaktersköpun, animation, teiknimyndasögur.
• Þekking: Grunnþekking í formskyn, litaskyn, efnistök, myndmál og listrænir hæfileikar og inntak.
• Annað: Forsendur sem koma fram í greinargerð, námsferill og/eða starfsreynsla.