Inntökuskilyrði á keramikbraut er stúdentspróf af listnámsbraut eða sambærilegt nám. Umsækjendur sækja um í gegnum umsóknarvef þar sem fram kemur námsferill og tilgangur umsækjenda með náminu. Auk þess skila umsækjendur inn skissubókum og möppu með sýnishornum af eigin verkum og eru ennfremur kallaðir í viðtal við inntökunefnd.

• Skissubækur: Þróun skissuvinnu, myndmál, fjölbreytni.
• Sýnishorn af verkum: Teiknifærni, formskyn, framsetning myndverka á ljósmyndum, fjölbreytt þrívíddarvinna.
• Viðtal: Umsækjendur eru möglega boðaðir í viðtal sem hefur áhrif á val inn í deildina. Inntökunefnd samanstendur af deildarstjóra og kennara úr deildinni. Endanlegt val fer eftir gæðum á innsendum verkum umsækjanda og viðtali ef það á við.
• Annað: Forsendur sem koma fram í greinargerð, námsferill og/eða starfsreynsla.