Við tökum nú við umsóknum um árs nám í myndlist fyrir nemendur sem lokið hafa starfsbraut framhaldsskóla eða sambærilegu námi.

Í náminu er lögð áhersla á að nemandinn kynnist fjölbreyttum vinnuaðferðum, tækni og hugtökum sem notuð eru um myndlist og hönnun og öðlist innsýn í listasögu og samtímalist. Námið veitir engin formleg réttindi en það gefur nemendum möguleika á að skapa sér starfsvettvang á sviði listsköpunar, á eigin spýtur eða með stuðningi. Að loknu námi skal nemandi hafa hæfni til að:

• nota margskonar aðferðir og miðla myndlistarinnar
• umgangast helstu verkfæri og tæki sem notuð eru í myndlist
• vinna að eigin listsköpun, sjálfstætt eða með stuðningi
• tjá sig um eigin verk og annarra á skilmerkilegan hátt, miðað við færni og tjáningarmáta
• tjá sig um áhugamál sín á skilmerkilegan hátt, miðað við færni og tjáningarmáta
• vera skapandi þátttakandi í samfélaginu

Sótt er um á vef skólans. Umsóknarfrestur rennur út að kvöldi sunnudags 29. maí.