28.04.21
Skráning hafin á sumarnámskeið barna

Skráning er hafin á sumarnámskeið sem verða í boði í júní hjá Myndlistaskólanum í Reykjavík á Hringbraut 121 og í útibúi skólans á Korpúlfsstöðum í Grafarvogi. Einnig verða haldin námskeið fyrir börn og unglinga í ágúst sem auglýst verða síðar.

Í sumar verður að vanda boðið upp á fjölbreytt úrval námskeiða fyrir börn og unglinga. Á sumarnámskeiðunum er unnið með margvísleg efni og notaðar fjölbreyttar aðferðir myndlistarmanna við rannsóknir, sköpun og skráningu. Unnin eru tvívíð og þrívíð verkefni, farið í vettvangsferðir og unnið utandyra að hluta. Námskeiðin eru annars vegar kennd fyrir hádegi, frá kl. 9.00-12.00, og hins vegar eftir hádegi, frá kl. 13.00-16.00. Flest eru þau vika að lengd eða 4-5 kennsludagar.

Kennarar eru allir starfandi listamenn með kennsluréttindi og/eða mikla kennslureynslu.

Skráning fer fram hér.

Gleðilegt sumar!

240 S 4 6 Ára Ragnheiður G  Skapandi Ferða Lag Fjörugull Efnissöfnun Og Skoðunn 91