09.10.19
Erasmusdagar 10.-11. október

Í tilefni af Erasmusdögum býður Myndlistaskólinn í Reykjavík upp á tvær kynningar á Erasmus+ verkefnum sem að kennarar og nemandur hafa tekið þátt í.

Komdu og kynntu þér möguleika á skiptinámi, starfsnámi, endurmenntun og gestakennslu í Evrópu í gegnum Erasmus+. Möguleikarnir eru óendanlegir.

Fimmtudagurinn 10. október kl 17:30

Ýmsir kennarar Myndlistaskólans segja frá reynslu sinni af Erasmus+ verkefnum. Eygló Harðardóttir og Jón B. K. Ransu kynna samstarf skólans við norska listaskólann Einar Granum. Guðbjörg Björnsdóttir segir frá starfsnámi sínu hjá postulínsverksmiðjunni Wagner & Apel í Þýskalandi. Nokkrir kennarar í viðbót deila reynslu sinni af endurmenntunarnámskeiðum og Áslaug Thorlacius skólastjóri og deildarstjórar diplómadeildanna segja frá heimsókn sinni til skóla á Norðurlöndunum.

Föstudagurinn 11. október kl. 12.10

Á föstudeginum fara fram kynningar á námsferðum nemenda í diplómanámi. Einnig mun Álfrún Pálmadóttir útskriftarnemi segja frá starfsnámi sínu hjá textílkonunni Camilla Steinum í Berlín.

Kynningarnar fara báðar fram í fyrirlestarasal skólans sem er á þriðju hæð við Hringbraut 121. Kynningarnar eru opnar öllum.

Sjá nánar um Erasmusdaga á samfélagsmiðlum hér.