Vatnslitun, tilraunir - síðdegistímar

Á námskeiðinu verða gerðar fjölbreyttar tilraunir í samvinnu við kennara. Farið verður í undirstöðuatriði vatnslitunar og athöfnin að mála með vatnslit verðuð skoðuð úr sem flestum áttum og áhersla lögð á tilraunagleði. Unnar verða einfaldar tækniæfingar, gerðar tilraunir með áferðir, gagnsæi og litablöndur, unnið eftir ljósmyndum og málað eftir fyrirmyndum. Námskeiðið hentar vel byrjendum og reynt að koma til móts við hæfni hvers og eins nemenda.

Námslok miðast við 80% mætingu.

Efniskaup: Nemendur fá vatnslitapappír í fyrstu tveimur tímum námskeiðsins en kaupa síðan pappír í samráði við kennara. Nemendur koma með eigin liti og er mikilvægt að þeir séu frá viðurkenndum merkjum en hægt er að ráðfæra sig við kennara í fyrsta tíma. Notast er við þesssa lit eða aðra sambærilega: Lemon Yellow, Cadmium Yellow, Cadmium Red (eða annar hárauður til dæmis Winsor Red), Alizarin Crimson, Ultramarine blue, Winsor Blue (Green Hue), Permanent Sap Green, Yellow Ochre, Ivory Black. Ef nemendur eiga fleiri liti er gott að hafa þá meðferðis. Mjög gott er að eiga marðarhárspensil nr. 8-14, Kolinski Sable þar sem þeir halda miklu vatni/lit í sér. Annars má nota vatnslitapensla úr gerfiefnum sem kosta ekki jafn mikið. Ráðlagt er að eiga allavega tvo pensla (nr. 6 og nr. 12) og passa að þeir endi í oddi en ekki flatir. Fleiri penslastærðir er gott að hafa en ekki nauðsynlegt.
Hámarksfjöldi nemenda: 12
Kennslustundir: 24
MIR Evening Class 42

Hringbraut 121

Hópur Hefst Lýkur Kennsludagur Tímasetning Kennari Verð Skráning
205 13. janúar, 2023 – 17. febrúar, 2023 Föstudagur 13. janúar, 2023 17. febrúar, 2023 Föstudagur 12:30-15:30 Linda Ólafsdóttir 35.600 kr.