Grunnþættir teikningar

Á námskeiðinu Grunnþættir teikningar eru undirstöðuatriði hlutateikningar kennd: formgreining, myndbygging og skygging. Hlutateikning byggir á gegnsæisteikningu þar sem rýnt er í uppbyggingu hluta. Unnið er með blæbrigði línunnar, mismunandi áherslur og grátónaskala blýantsins.

Í byrjun námskeiðs eru frumformin teiknuð í samsíða vídd og form þeirra dregin fram með skyggingu. Kennd eru undirstöðuatriði í fjarvídd og rýmisteikningu. Á síðari hluta námskeiðsins er hlutfallamæling æfð. Teiknaðir verða einfaldir hlutir með áherslu á form og skyggingu (yfirfærsla á þrívíðum viðfangsefnum á tvívíðan flöt pappírsins). Nemendur fá þjálfun í myndbyggingu og verða jafnframt kynntir fyrir ýmsum listamönnum sem tengjast verkefnunum hverju sinni.

Námskeiðið er 12 vikur. Námslok miðast við 80% mætingu.

Efniskaup: Blýantar (2H, HB, 2B, 4B, 6B), yddari, strokleður og hnoðleður.
Hámarksfjöldi nemenda: 12
Kennslustundir: 52
Einingar: 2
Fyrirkomulag:

Námskeið er á framhaldsskólastigi og gildir til vals sem hluti af Þrennu.

Vetrarfrí:

19. og 20. febrúar.

Páskafrí:

25. mars til 3. apríl.

MIR Evening Class 44

Hringbraut 121

Hópur Hefst Lýkur Kennsludagur Tímasetning Kennari Verð Skráning
2N0123 23. janúar, 2024 – 30. apríl, 2024 Þriðjudagur 23. janúar, 2024 30. apríl, 2024 Þriðjudagur 17:45-21:00 Eygló Harðardóttir 108.000 kr.