Almennt myndlistarnámskeið fyrir eldri borgara þar sem stiklað er á stóru í sögu og fræðum. Fjallað verður m.a. um skynjun og skoðun, skilning og sköpun sem samofna þætti í myndlistariðkun. Áhersla er lögð á samræður og skoðunaskipti. Nemendur leysa ýmis verkefni og vinna á fjölbreyttan hátt með skissubók. Í verklegum æfingum verður fyrst og fremst notast við einföld áhöld og liti, en þær bjóða einnig upp á ólíkar aðferðir og tækni ef óskað er. Inn í kennsluna eru fléttuð dæmi og fróðleikur úr listasögunni eftir því sem við á.