Í áfanganum verða kynntar og kenndar ýmsar aðferðir í myndskreytingum. Áhersla er lögð á hugmyndavinnu, tækni og aðferðir við myndskreytingar fyrir ýmsa miðla, t.d. fyrir barnabækur, bókakápur, "editorial" og auglýsingar. Skoðuð eru tengsl myndefnis og aðferða við innihald sagna og skilaboða.

Nemendur eru hvattir til að koma með hugmynd að verkefni eða verk í vinnslu. Þó er það ekki nauðsynlegt. Farið verður yfir grunnatriði í myndrænni frásögn og myndrænni sviðsetningu hugmynda. og texta með myndum. Námskeiðið er þannig sambland af skapandi skrifum og fjölbreyttum teikni- og myndasöguæfingum. Áhersla verður lögð á hugmyndavinnu og hvernig hægt er að nýta hversdagslega atburði og minningar sem grunn fyrir myndasögugerð.