Ferilmöppugerð

Kynntar eru ýmsar aðferðir við að búa til ferilmöppu (á rafrænu formi). Kennt er á tölvuforritin Photoshop og InDesign þar sem lögð er áhersla á að nemendur öðlist færni í að setja upp myndir og texta í tölvu.

Farið er í allar helstu aðferðir til myndvinnslu og uppsetningu á myndum og texta sem nýtist við möppugerð. Einnig er kennt hvernig undirbúa á rafrænt skjal til útprentunar.

Kennd eru lykilatriði sem skipta máli við gerð ferilmöppu og hvaða áherslur ber að hafa í huga. Nemendur koma með myndir af verkum til að setja upp í möppuna. Áhersla er lögð á að nemendur nái að útbúa heildstæða og persónulega möppu sem endurspeglar styrk og listræna sýn nemandans.

Námskeiðið teygir sig yfir fjögurra vikna tímabil en er í fimm skipti alls, á fimmtudögum og einn laugardag. Námslok miðast við 80% mætingu.

  • 07. mars (fimm) 17:45-21:00
  • 14. mars (fimm) 17:45-21:00
  • 21. mars (fimm) 17:45-21:00
  • 23. mars (lau) 10:15-13:30
  • 04. apríl (fimm) 17:45-21:00
Efniskaup: Tölvur með forritunum eru á staðnum sem hægt er að vinna í á meðan námskeiði stendur. Gott er að hafa með sér stílabók og penna til að skrá hjá sér það sem þörf er að leggja á minnið.
Hámarksfjöldi nemenda: 12
Kennslustundir: 22
Img 6475

Hringbraut 121

Hópur Hefst Lýkur Tímasetning Kennari Verð Skráning
4&6N0307 7. mars, 2024 – 4. apríl, 2024 7. mars, 2024 4. apríl, 2024 Magnús Valur Pálsson og Sigrún Hrólfsdóttir 57.500 kr.