Vatnslitun

Á námskeiðinu Vatnslitun verða gerðar fjölbreyttar tilraunir með vatnslit undir handleiðslu kennara. Ætlunin er að nálgast vatnslitunina úr sem flestum áttum og áhersla lögð á tilraunagleði.

Verkefnin verða gjarnan tengd tilteknum straumum og stefnum eða ákveðnum listamönnum. Unnar verða einfaldar tækniæfingar, gerðar tilraunir með áferðir, gagnsæi og litablöndur, unnið eftir ljósmyndum og málað eftir fyrirmyndum. Um leið og áhersla er lögð á það að framkvæma verður horft inn á við, á athöfnina að mála, og því velt upp hvaða merkingu það hafi að mála hlut eða hugmynd.

Námskeiðið er ætlað bæði byrjendum sem og lengra komnum nemendum í vatnslitun en mikilvægt er að hafa einhverja reynslu af teikningu.

Námskeiðið er 10 vikur. Námslok miðast við 80% mætingu.

Efniskaup: Nemendur fá vatnslitapappír í fyrstu tveimur tímum námskeiðsins en þeim er síðan gert að kaupa pappír í samráði við kennara. Nemendur koma með eigin liti og er mikilvægt að þeir séu frá viðurkenndum merkjum en hægt er að ráðfæra sig við kennara í fyrsta tíma.

Notast er við þesssa lit eða aðra sambærilega: Lemon Yellow, Cadmium Yellow, Cadmium Red (eða annar hárauður til dæmis Winsor Red), Alizarin Crimson, Ultramarine blue, Winsor Blue (Green Hue), Permanent Sap Green, Yellow Ochre, Ivory Black.

Ef nemendur eiga fleiri liti er gott að hafa þá meðferðis. Mjög gott er að eiga marðarhárspensil nr. 8-14, Kolinski Sable þar sem þeir halda miklu vatni/lit í sér. Annars má nota vatnslitapensla úr gerfiefnum sem kosta ekki jafn mikið. Ráðlagt er að eiga allavega tvo pensla (nr. 6 og nr. 12) og passa að þeir endi í oddi en ekki flatir. Fleiri penslastærðir er gott að hafa en ekki nauðsynlegt.
Hámarksfjöldi nemenda: 12
Kennslustundir: 43
Einingar: 2
Fyrirkomulag:

Námskeið er á framhaldsskólastigi og gildir til vals sem hluti af Þrennu.

Páskafrí:

25. mars til 3. apríl

MIR Evening Class 59 1

Hringbraut 121

Hópur Hefst Lýkur Kennsludagur Tímasetning Kennari Verð Skráning
3N0131 31. janúar, 2024 – 24. apríl, 2024 Miðvikudagur 31. janúar, 2024 24. apríl, 2024 Miðvikudagur 17:45-21:00 Anna Rún Tryggvadóttir, Lukas Bury og Rakel McMahon 87.500 kr.