Námskeiðið er hugsað fyrir þá sem hafa náð mjög góðum tökum á leirrennslu og treysta sér til þess að vinna sjáfstætt en á námskeiðinu er kennari aðeins viðstaddur að hluta til. Námskeiðið er því frekar hugsað sem keramikverkstæði þar sem nemendur vinna að sínum verkefnum í samráði við kennara. Ætlast er til þess að nemendur séu vel kunnugir umhverfi skólans og geti viðhafnast þar án kennara og fylgt þeim reglum og ferlum sem fylgja þarf á verkstæðinu.

Verkstæðið er opið tvo morgna í viku, á mánu- og miðvikudögum frá kl. 9 til 12:30 og er kennari viðstaddur í um það bil klukkustund um miðjan tíman til að svara spurningum og leiðsegja ef þörf er á.

Innifalið í námskeiðinu er einn poki af rennsluleir (10 kg) en nemendur sjá til þess að endurvinna sinn eigin leir með aðstoð kennara ef þarf. Hægt er að kaupa viðbótar leir á skrifstofu skólans.

Nemendur undirrita yfirlýsingu í byrjun námskeiðs um að framfylgja reglum og umgengni á verkstæðinu.

Námskeiðið er 6 vikur.