Til baka í námskeiðalista

Gróðurhús hugmyndanna

Númer: 501
Kennsludagur: Miðvikudagur
Kennslutími: 17:45 – 20:45
Upphafsdagur: Miðvikudagur, 11. September, 2019
Lokadagur: Miðvikudagur, 04. Desember, 2019
Kennari: Ingunn Fjóla Ingþórsdóttir, Lóa Hlín Hjálmtýsdóttir, Hildur Steinþórsdóttir
Lýsing á námskeiði:

Námskeiðið er hugsað sem skapandi smiðja þar sem nemendum eru kynntar ýmsar aðferðir til að efla eigin hugmyndir og sjálfstætt vinnuferli. Unnið verður með skissur og skrásetningu í ýmsa miðla svo sem teikningu, ljósmyndun, líkanagerð og texta. Kynntar verða fjölbreyttar æfingar til að örva hugmyndaflæði og kynnast nýjum vinnuaðferðum, allt frá því að hugmynd kviknar og að lokaútfærslu hlutar/verks. Farið verður í gegnum aðferðir við rannsóknarvinnu, hugmyndavinnu og skissugerð.

Yfirskrift námskeiðsins er Útópía, en unnið verður með undirþemun; landslag, menning, áferð og litapalletta. Nemendur tengja sig við listasöguna með ýmsum æfingum, upplifa/rannsaka verk úr nánasta umhverfi sínu. Einnig verður unnið með hugtök eins og samhengi, staðhætti, virkni, minni, hreyfingu, hegðun, tjáningu, hlutverk og innblástur. Nemendur halda utan um öll verkefni námskeiðsins sem geta nýst í ferilmöppu.
Nemendur eru beðnir um að koma með eigin stafrænar ljósmyndavélar eða myndavélar í farsímum. Námslok miðast við 80% mætingu.

Verð: 87400
Efniskaup: Nemendur koma með þau efni og áhöld sem þeir eiga og eru vanir að nota. Frekari efniskaup í samráði við kennara.
Kennslustaður: Hringbraut 121
Hámarksfjöldi nemenda: 12
Kennslustundir: 52 kennslustundir, 13 vikur
Einingar: 2
Frí: Vetrarfrí er frá og með fimmtudeginum 24. október til og með mánudagsins 28. október.