Til baka í námskeiðalista

Endimörk alheimsins - náttúra og líf við ysta haf

Númer: 103
Skráning og greiðsla: Fara á skráningarvef
Kennsludagur: Sjá námskeiðslýsingu
Upphafsdagur: Mánudagur, 08. Ágúst, 2022
Lokadagur: Föstudagur, 12. Ágúst, 2022
Kennari: Sigtryggur Bjarni Baldvinsson, Pétur Magnússdon, Pétur Örn Friðriksson, Snorri Hilmarsson.
Lýsing á námskeiði:

Dagana 8-12. ágúst býður Myndlistaskólinn í Reykjavík upp á áhugavert námskeið á Melrakkasléttu rétt sunnan við Heimskautsbaug. Námskeiðið var haldið í fyrsta sinn síðasta sumar og tókst það vel að full ástæða þykir að endurtaka leikinn og bæta í.

Námskeiðið hentar fólki á öllum aldri en markmiðið er að kynna myndlistina sem verkfæri til rannsóknar og skoðunar. Viðfangsefnið verður hin harðbýla og töfrandi náttúra svæðisins. Þátttakendur fá einnig innsýn í menningu, sögu og samfélag sem enn blómstrar á þessu hrjóstruga en hlunnindaríka svæði.

Sjónum verður jöfnum höndum beint að gróðri jarðar, fjörunni og hinum fjölmörgu, ísöltu lónum sem einkenna svæðið. Fuglalífi, smádýrum og plöntum verður gefinn gaumur og fylgst með því hvernig fiskurinn hegðar sér á ólíkum tímum sólarhringsins.

Þeir sem hafa áhuga á veiðiskap munu því ennfremur finna ýmislegt við sitt hæfi.

Leiðbeinendur verða myndlistarmennirnir Sigtryggur Bjarni Baldvinsson, Pétur Magnússon og Pétur Örn Friðriksson.

Ásamt þeim munu ýmsir gestir líta við. Til dæmis mun Pedro Rodrigues líffræðingur kynna Rannsóknastöðina Rif og það vísindastarf sem þar fer fram en verkefni stöðvarinnar er að vakta breytingar á lífríki og náttúru svæðisins.

Bækistöð og vinnuaðstaða verður í gamla síldarbragganum, Óskarsstöð, nýrri listamiðstöð á Raufarhöfn. Þetta er sögufrægt hús, byggt árið 1949 af Óskari Halldórssyni Íslandsbersa og eitt af síðustu húsum sem flutt var með seglskipi frá Noregi en húsið hefur verið gert upp á undanförnum árum.

Námskeiðið hefst að morgni mánudagsins 8. ágúst og því lýkur með veislu að kvöldi föstudagsins 12. ágúst. Innifalið í verðinu er hádegis- og kvöldverður í fimm daga. Alla jafnan er kennt daglega frá klukkan 9 til 15.

Verð: 98.000 kr.
Efniskaup: Teikniblokk, blýantur og vantslitir verða aðalverkfærin en vasaljós, stækkunargler, smásjá, myndavél og önnur þessháttar tól eiga fullt erindi í verkfærakistu þátttakenda -- að ógleymdri veiðistönginni.
Kennslustaður: Óskarsstöð á Raufarhöfn
Hámarksfjöldi nemenda: 16
Gisting

Ýmsir gistimöguleikar eru á svæðinu. Skólinn getur útvegað gistingu á hagstæðu verði í íbúðum á Raufarhöfn en verðið ræðst af fjölda. Áhugasamir sendi póst á Snorra Hilmarsson, snorrihilmars@simnet.is.

Samstarf

Námskeiðið er haldið í samvinnu við Rannsóknastöðina Rif og Heimsenda, menningarfélag Óskarsbragga á Raufarhöfn með tilstyrk frá Uppbyggingarsjóði Norðurlands eystra.

Staðfestingagjald

Við skráningu skal greiða 25.000 kr staðfestingagjald sem fer uppí námskeiðsgjald. Athugið að staðfestingagjaldið er óafturkræft nema ef námskeið fellur niður.

Fólk er hvatt til að kynna sér styrki stéttarfélaga.

Sérstakir afslættir
  • Félagsmenn SÍM fá 10% afslátt af námskeiðsgjaldi
  • Starfsfólk og nemendur MÍR fá 10% afslátt af námskeiðsgjaldi
Endimörk Alheimsins 2021