Til baka í námskeiðalista

Endimörk alheimsins – náttúra og líf við ysta haf

Númer: 1
Skráning og greiðsla: Fara á skráningarvef
Kennsludagur: Mánudagur til föstudags
Upphafsdagur: Mánudagur, 10. Ágúst, 2020
Lokadagur: Föstudagur, 14. Ágúst, 2020
Kennari: Sigtryggur Bjarni Baldvinsson og Þórarinn Blöndal
Lýsing á námskeiði:

Áhugavert námskeið á Melrakkasléttu í einu af nyrstu byggðarlögum landsins, rétt sunnan við Heimskautsbaug.

Námskeiðið hefst að morgni mánudagsins 10. ágúst og lýkur með veislu að kvöldi föstudagsins 14. ágúst

Hentar fólki á öllum aldri en markmiðið er að kynna myndlistina sem verkfæri til rannsóknar og skoðunar. Viðfangsefnið verður hin harðbýla en töfrandi náttúra svæðisins.

Þátttakendur fá einnig innsýn í menningu, sögu og samfélag sem enn blómstrar á þessu hrjóstruga en hlunnindaríka svæði. Sjónum verður jöfnum höndum beint að gróðri jarðar, fjörunni og hinum fjölmörgu, ísöltu lónum sem einkenna svæðið. Fuglalífi, smádýrum og plöntum verður gefinn gaumur og fylgst með því hvernig fiskurinn hegðar sér á ólíkum tímum sólarhringsins.

Þeir sem hafa áhuga á veiðiskap munu því ennfremur finna ýmislegt við sitt hæfi.

Haldið í samvinnu við Rannsóknastöðina Rif og Heimsenda, menningarfélag Óskarsbragga á Raufarhöfn með tilstyrk frá Uppbyggingarsjóði Norðurlands eystra.

Innifalið í verðinu er hádegis- og kvöldverður í fimm daga.

Verð: 96.000 kr.
Viðbótarkostnaður: Ýmsir gistimöguleikar eru á svæðinu. Skólinn getur útvegað gistingu á hagstæðu verði í íbúðum á Raufarhöfn en verðið ræðst af fjölda. Áhugasamir sendi póst á skolastjori@mir.is.
Efniskaup: Teikniblokk, blýantur og vantslitir verða aðalverkfærin en vasaljós, stækkunargler, smásjá, myndavél og önnur þessháttar tól eiga fullt erindi í verkfærakistu þátttakenda – að ógleymdri veiðistönginni.
Kennslustaður: Hringbraut 121
Kennslustundir: 52