Það er áhugavert að uppgötva bókaformið á nýjan hátt og gera það að sínu með texta eða teikningum og litum. Á námskeiðinu skoðum við ólíkar gerðir bóka, pop up bækur, fansínur og bókverk sem eru listaverk. Við rannsökum og umbreytum hugmyndum okkar af bókarforminu á leikin hátt þar sem eitt leiðir að öðru og raðast upp í persónulegt bókverk. Við lærum hefðbundna leið að líma bókarkjöl og allt þetta, skoðum ólíkan efnivið til bókagerðar eins og pappír, speglapappír, málmfólíur og gagnsæjar litafólíur, veljum það sem gefur okkur innblástur og látum innblásturinn leiða okkur áfram.