Til baka í námskeiðalista

10-12 ára "Youtube hrærivélin"

Númer: 1012104
Skráning og greiðsla: Fara á skráningarvef
Kennsludagur: Þriðjudagur
Kennslutími: 15:00 – 17:15
Upphafsdagur: Þriðjudagur, 08. Janúar, 2019
Lokadagur: Þriðjudagur, 09. Apríl, 2019
Kennari: Ninna Þórarinsdóttir
Lýsing á námskeiði:

Allt í kringum okkur er myndefni, og kannski hefur aldrei áður verið jafn auðvelt að nálgast allskonar myndrænan efnivið eins og núna. Á þessu námskeiði verður lögð áhersla á að aðstoða nemendur við að leita leiða til að nýta sér þetta framboð myndefnis á skapandi hátt. Unnið verður með stafrænt efni og nemendum sýnt hvernig hægt er að búa til ný kvikmyndaverk úr nánast hverju sem er, til dæmis myndböndum af YouTube, tölvuleikjum, gömlum kvikmyndum, ljósmyndum, hljóði og fleiru og sýndar leiðir til að nálgast fundið efni. Á námskeiðinu verður farið í kvikmyndaklippingu, einfalda hljóðvinnslu, og við ræðum um þær tengingar sem við gerum á milli myndefnis, hljóðs og texta, rytma í klippingu og svo framvegis. Sýnd verða dæmi um videóverk og kvikmyndir sem hafa nýtt sér fundið efni, bæði að hluta og að fullu. Kynnt verða einning grunnatriði í Adobe myndvinnslu forritum.

Verð: 51700
Viðbótarkostnaður: 15500
Efniskaup: Allt efni innifalið. Ætlast er til að börnin hafi með sér einhvern léttan bita / hollt nesti, en fari ekki að kaupa í kaffitímanum. Athygli er vakin á því að Myndlistaskólinn er hnetufrír og því má ekki taka með sér nesti sem inniheldur hnetur.
Kennslustaður: Hringbraut 121
Hámarksfjöldi nemenda: 10
Kennslustundir: 39 kennslustundir, 13 vikur
Frí: 23. til 25. febrúar - Vetrarfrí
15. apríl til 22. apríl - Páskafrí
25. apríl - Sumardagurinn fyrsti
Youtube 10 12