Á þessu námskeiði verður lögð áhersla á stafræna myndvinnslu í tölvu. Nemendur læra grunnatriði í forritum eins og Illustrator og Photoshop en þau geta opnað stórbrotna ímyndunarheima sem tengjast til dæmis myndskreytingum, tölvuleikjum og teiknimyndagerð. Nemendur búa til sín eigin verkefni þar sem blandað er saman teikningu og tölvuvinnslu og kafa þannig dýpra inn í þá möguleika sem tölvan hefur upp á að bjóða. Kynntir verða stafrænir listamenn sem sérhæfa sig í að nota tölvutækni við myndvinnslu.