Á námskeiðinu verður lögð áhersla á teikningu í víðasta skilningi. Teikning getur þjónað margvíslegum tilgangi bæði sem verkfæri og miðill í sjálfu sér.

Á námskeiðinu munum við prófa okkur áfram með ýmsar aðferðir teikningar. Við munum nýta okkur umhverfi Myndlistarskólans og umliggjandi náttúruna sem vettvang og innblástur listsköpunar, auk þess sem við skoðum teikninguna út frá listsögulegu samhengi.