Barna- og unglinganámskeið

Vetrarnámskeið fara fram einu sinni í viku og standa yfir í eina önn (tólf vikur). Krökkunum er alla jafna skipt í fjóra aldurshópa: 4-5 ára, 6-9 ára, 10-12 ára og 13-16 ára. Börnin eru aldrei fleiri en sex í yngsta aldurshópnum og mest tólf í unglingahópunum. Þannig er tryggt að hvert barn fái persónulega tilsögn við sitt hæfi.

Á sumrin er boðið upp á einnar og tveggja vikna löng námskeið fyrir börn í sumarleyfi. Kennslan fer fram daglega, ýmist fyrir eða eftir hádegi. Krökkunum er skipt í nokkra aldurshópa og þau vinna með margvísleg efni og aðferðir, bæði tvívíð og þrívíð verkefni. Auk þess er farið í vettvangsferðir og unnið utandyra að hluta.

Námskeiðin eru haldin á tveimur stöðum á höfuðborgarsvæðinu: Í JL-húsinu við Hringbraut og í félagsmiðstöðinni Miðbergi við Gerðuberg.

Allir kennarar í barna- og unglingadeild eru háskólamenntaðir á sviði myndlistar, hönnunar eða byggingarlistar og við leggjum sérstaka áherslu á að þeir hafi kennsluréttindi.

Barna- og unglingadeild nýtur stuðnings Skóla- og frístundasviðs Reykjavíkur sem niðurgreiðir námskeiðsgjöld fyrir börn og unglinga með lögheimili í borginni.

Deildarstjórar barna- og unglingadeildar eru Þuríður Ósk Smáradóttir og Guðrún Benónýsdóttir.

  • Þuríður Ósk Smáradóttir sér um um frístundastarf barna og unglinga.
  • Guðrún Benónýsdóttir sér um leik- og grunnskólasamstarf.
  • Ína Salóme Hallgrímsdóttir er kennsluráðgjafi barna- og unglingadeildar.