Árs nám í myndlist

Myndlistaskólinn í Reykjavík býður upp á myndlistar-nám fyrir fólk með þroskahömlun.

Þetta nám heitir Árs nám í myndlist.

Fyrir hverja er námið?

  • Námið er fyrir allt fólk sem hefur klárað starfsbraut í framhaldsskóla.
  • Fólk má líka hafa klárað nám sem er líkt og starfsbraut.

Hvernig sæki ég um námið?

  • Þú fyllir út umsókn en ekki er opið fyrir umsóknir núna
  • Þú sendir líka skissubækur og sýnis-horn af listaverkum eftir þig.
  • Þú hittir okkur í skólanum og við tölum saman. Það heitir að koma í inntökuviðtal.

Hvað lærum við í náminu?

  • Í náminu lærum við um myndlist og hönnun.
  • Við lærum allskonar leiðir sem fólk notar til að búa til myndlist. Til dæmis lærum við vinnu-aðferðir og tækni sem fólk notar.
  • Við lærum orð og lýsingar sem við notum til að tala um myndlist og hönnun. Við lærum líka að nota orð og hugmyndir til að búa til myndlist og hönnun.
  • Við lærum lista-sögu og tölum um listaverk sem fólk hefur búið til. Við lærum um samtíma-list og tölum um hvernig list myndlistarfólk er að gera í dag.

Hvenær er kennsla?

  • Kennsla er frá morgni fram að hádegi. Námið er alla virka daga og ekki um helgar.
  • Námið er hálft nám.
  • Námið er tvær annir. Ein haustönn og ein vorönn. Hver önn er 15 einingar. Samtals er námið 30 einingar.

Hvað kann ég eftir að hafa klárað námið?

  • Þú hefur lært hvað það eru margar leiðir og aðferðir til að búa til myndlist.
  • Þú hefur lært að nota margar þessar aðferðir til að búa til eigin listaverk.
  • Þú hefur lært að nota allskonar verkfæri og tæki til þess að búa til myndlist.
  • Þú hefur lært að vinna í þinni eigin list. Þú hefur lært að gera það sjálfstætt eða með stuðningi frá öðrum.
  • Þú getur sagt frá þínum listaverkum og þú getur talað um listaverk eftir annað listafólk. Við getum öll lært að segja frá list eins og okkur líður best að gera það.
  • Þú getur sagt frá áhugamálunum þínum. Þú kannt leiðir til að halda áfram að búa til list og skapa listaverk. Þannig ert þú skapandi manneskja í samfélaginu.

Hvað gerist eftir að ég klára námið?

Námið gefur nemanda engin réttindi eða gráðu.

Nánari upplýsingar

Skólagjöld fyrir námsárið 2022-2023 eru 174.000,- kr.

Nánari upplýsingar um nám í myndlist má finna í óstaðfestri námslýsingu.

Ef þú vilt spyrja um námið eða fá aðstoð getur þú hringt í skrifstofu skólans í síma 5511990 eða sent okkur tölvupóst á margretmn@mir.is. Margrét M Norðdahl er deildarstjóri námsins.